مازلت أنا هو أنا
مازلت أنا هو أنـا .... حتي كان شيبي عالسواد طغى .... نشـّاد ع لقدِيم
مازلت أنا القديــــــم ...................حذاي وين ما يطروا أولاف نهيـم
وبخصــك منـين علي لمواهيـم........ بانت وساقنـّي لها لخطــــا
يسيلن كما سيله دمــوع يتيم........... رقاق الغرض ع اللّي قديم مضــى
مازال لي أبعــــــــاد................... ومازلت ديما ع لقدِم نشــّـاد
ومازال قلبي بالغـــــلا ودّاد.......... ويزيد في عطاه معا الخليل عطا
ومازلت نعشـق سمحـة الميعاد....... ونرايف عليه بعاز هالجبــــا
مازلت واسع بــــــــال ................ومازال عقـلي للهوى ميــّال
ومازلت نعشق ف الحياه الجمـال.... اللي بعدا ما نقـدر نطيق حيــاة
ومازلت نقـدر في وعر لجبال........ نخـاطر علي صيدي بدون عنــا
.وعندي شرك كمين ريم غزال...... حذاه وين جـــــا يبرم عليـه كفا
مازلت رغم القهــــــر................ نحب الحواري والطرب والسـهر
وف السر عندي ينطرن والجهر .....لين في ما خلن قرام عــــــزا
وهن رمز ديما ينذكر بالفخر.......... لولاه مارينا نهـــــــار زها
وبينهـن نداوي في كواين دهر........ قديم فات في ماضي قـديم مضـا
تمنيـت يوم المـوت ناجـد قبر......... فيه نرقـدوا أنا والعـزيز سـواء
